പനത്തടി: പനത്തടി താനത്തിങ്കല്‍ വയനാട്ടുകുലവന്‍ ദേവസ്ഥാനത്ത് 113 വര്‍ഷങ്ങള്‍ക്ക് ശേഷം 2025 മാര്‍ച്ച് 21, 22, 23 തീയതികളില്‍ നടക്കുന്ന തെയ്യംകെട്ട് ഉത്സവത്തിന് ആവശ്യമായ നെല്ല് സംഭരിക്കാന്‍ ചെറുപനത്തടി പാടശേഖരത്തില്‍ നടത്തിയ കൊയ്ത്തുത്സവം നാടിന് ആവേശമായി.നാടിന്റെ വിവിധഭാഗങ്ങളില്‍ നിന്നും നിരവധി പേരാണ ്‌കൊയ്ത്തുത്സവത്തിന്റെ ഭാഗമാവാന്‍ വയലില്‍ എത്തിയത്. പീലിക്കോട് കാര്‍ഷിക ഗവേഷണ കേന്ദ്രം വികസിപ്പിച്ചെടുത്ത മനു രത്‌ന എന്ന വിത്താണ് പാടശേഖരത്തില്‍ ഇത്തവണ കൃഷി ഇറക്കിയത്. മികച്ച വിളവാണ് ഇത്തവണ ലഭിച്ചതെന്ന് ക്ഷേത്രം ഭാരവാഹികള്‍ പറഞ്ഞു. കൃഷിക്ക് അനുയോജ്യമായ കാലാവസ്ഥയായിരുന്നു ഇത്തവണ ഉണ്ടായിരുന്നത്. ഉപ്പള ഷെയ്ക്ക് സയ്യിദ് ഫൗണ്ടേഷന്‍ ഓള്‍ഡേജ് ഹോം മാനേജിംഗ് ട്രസ്റ്റീ ഇര്‍ഫാന ഇഖ്ബാല്‍ കൊയ്ത്തുല്‍സവം ഉദ്ഘാടനം ചെയ്തു. ആഘോഷ കമ്മിറ്റി ചെയര്‍മാന്‍ എന്‍. ബാലചന്ദ്രന്‍ നായര്‍ അധ്യക്ഷത വഹിച്ചു.. പഞ്ചായത്ത്-ബ്ലോക്ക് ജനപ്രതിനിധികള്‍, അസി.കൃഷി ഓഫീസര്‍ കെ. വി ഗോപിനാഥ് ,ജനറല്‍ കണ്‍വീനര്‍ കൂക്കള്‍ ബാലകൃഷ്ണന്‍, കെ. എന്‍ രമേശന്‍, മനോജ് പുല്ലുമല, കെ. സുകുമാരന്‍ നായര്‍, ടി.പി ശശി, വി. വി കുമാരന്‍, ടി. ഉണ്ണികൃഷ്ണന്‍, ടി.പി പ്രശാന്ത് കുമാര്‍, ടി പി ഹരികുമാര്‍, ഗീതാ ഗംഗാധരന്‍, മാധവി ജനാര്‍ദ്ദനന്‍ തുടങ്ങിയവര്‍പ്രസംഗിച്ചു.
