ബളാംതോട് : കേരള സീനിയര്‍ സിറ്റിസണ്‍സ് ഫോറം നടത്തിവരുന്ന വയോജന വാരാചരണത്തിന്റെ ഭാഗമായി ഫോറം പനത്തടി പഞ്ചായത്ത് കമ്മിറ്റിയുടെ ആഭിമുഖ്യത്തില്‍ അരിപ്രോട് വയോജന പകല്‍ വിശ്രമകേന്ദ്രത്തിന്റെ പത്താം വാര്‍ഷികം സമുചിതമായി ആഘോഷിച്ചു ഫോറം പഞ്ചായത്ത്് കമ്മിറ്റി പ്രസിഡന്റ് സൂര്യനാരായണ ഭട്ട് അദ്ധ്യക്ഷത വഹിച്ചു. പനത്തടി ഗ്രാമപഞ്ചായത്ത് ഭരണ സമിതിയംഗം കെ.ജെ ജയിംസ് ഉല്‍ഘാടനം ചെയ്തു. ശ്യാമള കൃഷ്ണന്റെ പ്രാര്‍ത്ഥനാഗാനത്തോടെ യോഗം തുടങ്ങി. ഫോറം സംസ്ഥാന സെക്രട്ടറി ജോര്‍ജ് വര്‍ഗീസ് മുഖ്യാതിഥിയായിരുന്നു.
മൈക്കിള്‍ പൂവത്താനി, ആര്‍. മോഹന്‍ കുമാര്‍ , vs. വിനോദ് കുമാര്‍, സജി ജോര്‍ജ് എന്നിവര്‍ സംസാരിച്ചു. പ്രമോഷനോടു കൂടി സ്ഥലം മാറിപോകുന്ന സിസ്റ്റര്‍ ധന്യയ്ക്ക് യാത്രയയപ്പുനല്‍കി ആദരിച്ചു. ബളാം തോട് യൂണിറ്റിലെ മുതിര്‍ന്ന അംഗം എ. ദാമോദരന്‍ പിള്ളയെ പൊന്നാടയണിയിച്ച് കെ.ജെ ജയിംസ് ആദരിച്ചു. പുതിയതായി ആജീവനാന്ത അംഗത്വം എടുത്തവര്‍ക്കുള്ള തിരിച്ചറിയല്‍ കാര്‍ഡ് വിതരണവും നടന്നു. പഞ്ചായത്ത് കമ്മിറ്റി സെക്രട്ടറി .എന്‍.ചന്ദ്രശേഖരന്‍ നായര്‍ സ്വാഗതവും കെയര്‍ ഗിവര്‍ ശ്രീജ നന്ദിയും പറഞ്ഞു.
