പാണത്തൂര്‍: പാണത്തൂര്‍ – കോളിച്ചാല്‍ പാണത്തൂര്‍ റോഡിന്റെ ശോചനീയ അവസ്ഥയില്‍ പ്രതിഷേധിച്ച് ഗാന്ധി ജയന്തി ദിനമായ ഒക്ടോബര്‍ 2 ന് ബളാംതോട് വെച്ച് മലനാട് വികസന സമിതിയുടെ നേതൃത്വത്തില്‍ നടക്കുന്ന ഉപവാസ സമരത്തിന് പിന്തുണ തേടി പ്രചാരണ വിഭാഗം കമ്മിറ്റിയുടെ നേതൃത്വത്തില്‍ പ്രചരണം തുടങ്ങി. പാണത്തൂരിലെ വ്യാപാരി വ്യവസായി ഏകോപനസമിതി, വ്യവസായ സമിതി, വിവിധ ക്ലബുകള്‍, വിവിധ രാഷ്ട്രീയ കക്ഷി നേതാക്കള്‍, പാണത്തൂര്‍ ഗവ: സ്‌കൂള്‍, സെന്റ് മേരീസ് ചര്‍ച്ച്, കാഞ്ഞിരത്തിങ്കാല്‍ അയപ്പ ക്ഷേത്രം, പാണത്തൂര്‍, ചെമ്പേരി ജമാത്ത് കമ്മിറ്റികള്‍, വിവിധ ഓട്ടോ ടാക്‌സി തൊഴിലാളി സംഘടനകള്‍, ചുമട്ട് തൊഴിലാളി, ടിംബര്‍ യൂണിയനുകള്‍, തുടങ്ങിയവരെ ഉപവാസ സമരത്തില്‍ പിന്തുണ അഭ്യര്‍ത്ഥിച്ചുകൊണ്ട് സമീപിച്ചു. ആര്‍ സൂര്യനാരായണ ഭട്ട്, ബി അനില്‍കുമാര്‍, എ.കെ ശശി, അജിജോസഫ്,കൃഷ്ണകുമാര്‍, എം.ബി അബ്ബാസ്, ടി.സി ജനാര്‍ദ്ദനന്‍, പി.എന്‍ സുനില്‍കുമാര്‍, രജനീ ദേവി,സനല്‍ പെരുതടി,തങ്കച്ചന്‍ ബളാംതോട് എന്നിവര്‍ നേതൃത്വം നല്‍കി.
