രാജപുരം : ക്ലായി വിവേകാനന്ദ ആര്‍ട്സ് സ്പോര്‍ട്സ് ക്ലബ്ബ് ആന്‍ഡ് ലൈബ്രറിയും അഹല്യ ഫൗണ്ടേഷന്‍ കണ്ണാശുപത്രിയും സംയുക്താഭിമുഖ്യത്തില്‍ സൗജന്യ നേത്ര പരിശോധന ക്യാമ്പും അഗ്നി സുരക്ഷാ ബോധവല്‍ക്കരണ ക്ലാസും ഞായറാഴ്ച രാവിലെ 9 30 മുതല്‍ പൊടവടുക്കം സരസ്വതി വിദ്യാമന്ദിരത്തില്‍ സംഘടിപ്പിച്ചു. ക്ലബ്ബ് പ്രസിഡന്റ് ഹരിപ്രസാദ് അധ്യക്ഷനായ ചടങ്ങില്‍ ഉപ്പള ഫയര്‍ സ്റ്റേഷന്‍ സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ ഗോപാലകൃഷ്ണന്‍ വി വി ബോധവല്‍ക്കരണ ക്ലാസ് എടുത്തു. കേരള സംസ്ഥാന സ്‌കൂള്‍ കലോത്സവത്തില്‍ പരിച മുട്ടുകളിയില്‍ എ ഗ്രേഡ് നേടിയ ശ്രീദേവ് ദിവാകരന്‍ പിയെ അനുമോദിച്ചു. ക്ലബ്ബ് സെക്രട്ടറി സനല്‍കുമാര്‍ പി സ്വാഗതവും ക്ലബ്ബ് ഖജാന്‍ജി രതീഷ് കുമാര്‍ നന്ദിയുംപറഞ്ഞു.
