പാറപ്പള്ളി : കാലിക്കറ്റ് യൂണിവേഴ്‌സിറ്റിയിൽ നിന്നും ബി – ആർക്ക് കോഴ്‌സിൽ ഒന്നാം റാങ്കു നേടിയ ഗുരുപുരത്തെ ആർക്കിടെക് നവ്യ എം.എസ്സിന് അഭിനന്ദനങ്ങളുമായി വാർഡ് മെമ്പറും വാർഡ് സമിതി അംഗങ്ങളും വീട്ടിലെത്തി.കോടോം-ബേളൂർ ഗ്രാമപഞ്ചായത്തിൽ 19-ാം വാർഡിൽ ഗുരുപുരത്ത് താമസിക്കുന്ന നവ്യയാണ് ഒന്നാം റാങ്ക് നേടി നാടിനഭിമാനമായത്. വാർഡ് മെമ്പറും പഞ്ചായത്ത് വൈ. പ്രസിഡന്റുമായ പി.ദാമോദരൻ ഷാൾ അണിയിച്ച് അനുമോദിച്ചു.മുൻ വൈ. പ്രസിഡന്റ് പി.എൽ.ഉഷ, വാർഡ് കൺവീനർ പി.ജയകുമാർ, വാർഡ് സമിതി അംഗങ്ങളായ എൻ.അമ്പാടി, എം.തമ്പാൻ, ബി.മുരളി, എൻ.സുജിത്ത്, ഗോപകുമാരി എന്നിവർ സംബന്ധിച്ചു.ഗുരുപുരത്തെ കൺസ്ട്രക്ഷൻ വർക്കറായ ഷാജിയുടെയും സരസ്വതിയുടെയും മകളായ നവ്യ എം.എസ്സ് കാഞ്ഞങ്ങാട് അർബൻഗ്രാം ഡിസൈൻസ് &ഡവലപ്പേഴ്‌സ് പ്രൈവറ്റ് ലിമിറ്റഡിന്റെ ഡയറക്ടറായി
പ്രവർത്തിക്കുന്നു. സഹോദരി സൗമ്യ ഇൻഡുമണി ലിമിറ്റഡിന്റെ അസിസ്റ്റന്റ് മാനേജരായി വർക്കുചെയ്യുന്നു.
