പനത്തടി: പനത്തടി പഞ്ചായത്ത് പതിമൂന്നാം വാർഡിൽ കൊളപ്പുറം ഊരിലാണ് സ്‌പെഷ്യൽ ഊര്കൂട്ടം ഊര് നിവാസികൾക്ക് പുത്തൻ ഉണർവേകിയത്. പട്ടിക വർഗ്ഗ മേഖലയിലെ മികച്ച പ്രവർത്തനങ്ങൾ കണക്കിലെടുത്ത് ദേശീയതലത്തിൽ അവാർഡ് നേടിയ സി ഡി എസ് ചെയർപേഴ്‌സൺ ആർ.സി രജനിദേവിയെ രാജപുരം പോലീസ് സറ്റേഷൻ സീനിയർ പോലീസ് ഓഫീസർ ചന്ദ്രൻ കെ ഊര്കൂട്ടത്തിന്റെ സ്‌നേഹാദരവായി പൊന്നാടയണിയിച്ചു. ഊര്മൂപ്പൻ എ.എസ് ശ്രീകാന്ത് അധ്യക്ഷത വഹിച്ചു. വാർഡ് മെമ്പർ എൻ. വിൻസെന്റ് ഉദ്ഘാടനം ചെയ്തു നിയമപരമായകാര്യങ്ങളെകുറിച്ച് സീനിയർ പോലീസ് ഓഫീസർ ബിന്ദു ക്ലാസ് എടുത്തു. ജൂനിയർ ഹെൽത്ത് ഇൻസ്‌പെക്ടർ അനിതോമസ് ആരോഗ്യ കാര്യങ്ങളെ കുറിച്ച് ക്ലാസ് എടുത്തു. രജനിദേവി ആർ സി മുഖ്യ പ്രഭാഷണവും നടത്തി ആനിമേറ്റർമാരായ ലക്ഷ്മി പി, അംബിക കെ എ, പ്രൊമോട്ടർ പ്രിയ ബി , നാരായണൻ ബാപ്പുംങ്കയം എന്നിവർ പ്രസംഗിച്ചു. എ ഡി എസ് അംഗം സജിനി സ്വാഗതവും വിജേഷ് ബി നന്ദിയുംപറഞ്ഞു
