രാജപുരം: മാലിന്യ സംസ്‌കരണ പ്രവർത്തനത്തിന്റെ ഭാഗമായി ഗ്രീൻ പ്രോട്ടോകോൾ പാലിക്കുന്നതുമായി ബന്ധപ്പെട്ട് പൂടംകല്ല് താലൂക്ക് ആശുപത്രിയിലേക്ക് കോളിച്ചാൽ ലയൺസ് ക്ലബ് 25 സ്റ്റീൽ അടുക്കുപാത്രങ്ങൾ നൽകി. ലയൺസ് ക്ലബ് പ്രസിഡന്റ് സെബാസ്റ്റ്യൻ ജോർജിൽ നിന്നും മെഡിക്കൽ ഓഫീസർ ഡോ. സി സുകു ഏറ്റുവാങ്ങി. ലയൺസ് ഭാരവാഹികളായ സോജൻ മാത്യു, ജി എസ് രാജീവ്, ജോസ് പുതുശ്ശേരിക്കാല, സോജോ തോമസ്, ഷാജി കുര്യൻ, അരവിന്ദാക്ഷൻ, മെബിൻ ചാക്കോ, പി ആർ ഒ ബിനോ കെ തോമസ്,ആശുപത്രി സ്റ്റാഫ് കൗൺസിൽ സെക്രട്ടറി തമ്പാൻ പി എന്നിവർ സംസാരിച്ചു. ഹെൽത്ത് ഇൻസ്‌പെക്ടർ ശ്രീകുമാർ എൻ സ്വാഗതവും സീനിയർ നഴ്സിംഗ് ഓഫീസർ ബിജിമോൾ മാത്യു നന്ദിയും പറഞ്ഞു.
