മാലക്കല്ല്: വൈ എം സി എ അഖിലലോക പ്രാർത്ഥനാവാരാചരണത്തിന്റെ ഭാഗമായുള്ള ജില്ലാതല പ്രാർത്ഥനാവാരാചരണം മാലക്കല്ല് വൈ എം സി എയുടെ ആഭിമുഖ്യത്തിൽ തുടങ്ങി. മാലക്കല്ല് ലൂർദ്ദ് മാതാ പാരീഷ് ഹാളിൽ രാജപുരം തിരുക്കുടുംബ ഫൊറോനപള്ളി വികാരി ഫാ.ബേബി കട്ടിയാങ്കൽ പ്രാർത്ഥനാവാരാചരണം ഉദ്ഘാടനം ചെയ്തു. വൈ എം സി എ സബ് റീജിയൺ ചെയർമാൻ ബേബി മാടപ്പള്ളി അധ്യക്ഷം വഹിച്ചു. സംസ്ഥാന വൈസ് ചെയർമാൻ മാനുവൽ കുറിച്ചിത്താനം ആമുഖ പ്രഭാഷണം നടത്തി.
ലൂർദ്ദ് മാതാ പള്ളിവികാരി ഫാ.ഡിനോ കുമ്മാനിക്കാട്ട്, പൂക്കയം സെന്റ് സ്റ്റീഫൻസ് പള്ളിവികാരി ഫാ.ഷിനോജ് വെള്ളായിക്കൽ, ഗ്രാമപഞ്ചായത്ത് പ്രസിഡണ്ട് ടി.കെ.നാരായണൻ, പഞ്ചായത്ത് വൈസ് പ്രസിഡണ്ട് പ്രിയ ഷാജി, വാർഡ് മെമ്പർ മിനി ഫിലിപ്പ്, സബ് റീജിയൺ ജനറൽ കൺവീനർ സണ്ണിമാണിശ്ശേരി, ഡോ.ടിറ്റോ ജോസഫ്, ലയമേരി ലൂക്കോസ്, അൽനാ ഷോണിസ് ആക്കമാലിൽ, വനിതാഫോറം ജില്ലാ ചെയർപേഴ്‌സൺ സുമ സാബു എന്നിവർ പ്രസംഗിച്ചു. മാലക്കല്ല് വൈഎംസിഎ പ്രസിഡണ്ട് പി.സി.ബേബി പള്ളിക്കുന്നേൽ സ്വാഗതവും ട്രഷറർ ടോമി നെടുംതൊട്ടിയിൽ നന്ദിയും പറഞ്ഞു. വിശിഷ്ടാതിഥികളെ ഫാ.ജോർജ് തോമസ് ആദരിച്ചു. പ്രാർത്ഥനാവാരാചരണത്തിന്റെ സമാപനം നവംബർ 18 ന് ഉച്ചതിരിഞ്ഞ് 3 മണിക്ക് കാഞ്ഞങ്ങാട് വൈ എം സി എയുടെ ആഭിമുഖ്യത്തിൽ പടന്നക്കാട് പാസ്റ്റർ സെന്ററിൽ നടക്കും.
