ഇരിയ / കഴിഞ്ഞ 25 വര്‍ഷമായി പ്ലാസ്റ്റിക് ഷീറ്റിനടിയില്‍ താമസിച്ചു വന്നിരുന്ന കുട്ടിയമ്മയ്ക്ക് ഒടുവില്‍ വിടായി. പ്രായം 75 ആയി. മക്കളോ മറ്റു ബന്ധുക്കളോ നാട്ടിലില്ല. കുറച്ചു വര്‍ഷം മുമ്പ് വരെ പണിക്ക് പോയിരുന്നു. സ്വന്തമായി സ്ഥലമില്ല. താമസിക്കുന്ന സ്ഥലത്തിന് പട്ടയം ലഭിച്ചു മില്ല.പഞ്ചായത്തിന്റെ അതിദാരിദ്ര ലിസ്റ്റില്‍ ഉള്‍പ്പെടുത്തിയതിനു ശേഷം റേഷന്‍ കാര്‍ഡ്, ഇലക്ഷന്‍ ID കാര്‍ഡ്, എന്നിവ നല്‍കി. അതിനു ശേഷം പെന്‍ഷനും നല്‍കി തുടങ്ങി.സ്വന്തമായി സ്ഥലമില്ലാത്തതിനാല്‍ ലൈഫ് ഭവനപദ്ധതിയില്‍ ഉള്‍പ്പെട്ടിരുന്നില്ല. നിലവിലെ സ്ഥിതി കണ്ടറിഞ്ഞ് വാര്‍ഡ് മെമ്പറുടെ നേതൃത്വത്തില്‍ കമ്മിറ്റി രൂപീകരിച്ച് വീടു നിര്‍മ്മാണം ആരംഭിച്ചിരുന്നു. സംസ്ഥാന സര്‍ക്കാരിന്റെ അതിദാരിദ്ര നിര്‍മ്മാര്‍ജന പദ്ധതി വന്നപ്പോള്‍ അതില്‍ ഉള്‍പ്പെടുത്തി വീട് നിര്‍മ്മിച്ചു നല്‍കുകയാണ് ചെയ്തത്.
കോടോം-ബേളൂര്‍ ഗ്രാമപഞ്ചായത്തില്‍ 19-ാം വാര്‍ഡില്‍ മുട്ടിച്ചരല്‍ കടല്‍ കാട്ടിപ്പാറയിലാണ് കുട്ടിയമ്മയ്ക്ക് വീട് നിര്‍മ്മിച്ചിരിക്കുന്നത്. താക്കോല്‍ കൈമാറല്‍ നാളെ രാവിലെ 10 മണി്ക്ക ഇ.ചന്ദ്രശേഖരന്‍ എം എല്‍ എ നിര്‍വ്വഹിക്കും.
