പനത്തടി : പനത്തടി പഞ്ചായത്ത് കുടുംബശ്രീയുടെ നേതൃത്വത്തിൽ മഴപ്പൊലിമയും നെൽകൃഷി വിത്തിടലും നടത്തി. ചെറുപനത്തടി പാണ്ഡൃലക്കാവിലെ പാടശേഖരത്താണ് ഇത്തവണത്തെ നെൽ കൃഷി. പനത്തടി പഞ്ചായത്തിലെ കുടുംബശ്രീ ജെ.എൽ.ജി ഗ്രൂപ്പുകളാണ് ഏറ്റെടുത്തിരിക്കുന്നത്. പരിപാടി ഉത്സവമാക്കാൻ പഞ്ചായത്തിലെ വിവിധ വാർഡുകളിൽ നിന്നും കുടുംബശ്രീ അംഗങ്ങളും പാണത്തൂർ ഗവ:ഹൈസ്‌കൂൾ എസ്.പി.സി യൂണിറ്റിലെ വിദ്യാർത്ഥികളും എത്തി. പനത്തടി പാണ്ഡൃലക്കാവ് പാടശേഖര സമിതിയിലെ നാല് ഏക്കർ വയലിലും ഒന്നര ഏക്കർ കരനെൽ കൃഷിക്കുമാണ് വിത്തിട്ടത് . തുടർന്ന് പാടത്ത് കുടുംബശ്രീ, എസ്.പി.സി.കേഡറ്റുകൾ എന്നിവയുടെ വടംവലി, ഓട്ടമത്സരം തുടങ്ങി വിവിധ കായിക മത്സരങ്ങളുംസംഘടിപ്പിച്ചു.
