കാലിച്ചാനടുക്കം:കോടോം- ബേളൂർ ഗ്രാമപഞ്ചായത്ത് 13-ാം വാർഡ് എ ഡി എസിന്റെ നേതൃത്ത്വത്തിൽ ആലത്തടി വയലിൽ നടത്തിയ നെൽകൃഷി നൂറുമേനി വിളവ് ലഭിച്ചു. നെൽകൃഷി കൊയ്ത്തുൽസവം കോടോം ബേളൂർ ഗ്രാമ പഞ്ചായത്ത് വൈസ് പ്രസിഡണ്ട് പി. ദാമോദരൻ ഉദ്ഘാടനം ചെയ്തു. കാർഷിക സമൃദ്ധികൊണ്ട് സമ്പന്നമായ ആലത്തടി പ്രദേശത്ത്ആലത്തടി മലൂർ തറവാടിന്റെ ഒരു ഏക്കർ സ്ഥലത്താണ് കൃഷിയിറക്കിയത്.കൃഷിയെ നെഞ്ചോട് ചേർത്ത് ജീവിക്കുന്ന ആലത്തടി പ്രദേശത്തെ കർഷകരുടെയും അകമഴിഞ്ഞ സഹായവും ലഭിച്ചു. പുതു തലമുറയ്ക്ക് ഇത് നവ്യാനുഭവമായി.
ചടങ്ങിൽ കോടോം ബേളൂർ പതിമൂന്നാംവാർഡ് മെമ്പർനിഷ അനന്തൻ അദ്ധ്യക്ഷത വഹിച്ചു.പരപ്പ ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്‌സൺ രജനി കൃഷ്ണൻ,
സി ഡി എസ് ചെയർപേർസൻ ബിന്ദു കൃഷ്ണൻ, വാർഡ് കൺവിനർ എം അനീഷ് കുമാർ
കാലിച്ചാനടുക്കം സ്‌കൂൾപി ടി എപ്രസിഡണ്ട്
.എ.വി മധു, ആലത്തടി തറവാട്ടംഗം എ.എം. ഉണ്ണികൃഷ്ണൻ നായർ എന്നിവർ ആശംസകൾ അർപ്പിച്ച് സംസാരിച്ചു.കൃഷിക്ക് എല്ലാ വിധ സഹായവും ചെയ്തു തന്ന ശ്രീധരൻ മാവുപ്പാടി എ.വി മധു എന്നിവരെ പൊന്നാടയിട്ട് ആദരിച്ചു പ്രവീണ രാജേന്ദ്രൻ സ്വാഗതവും വിലാസിനി നന്ദിയുംപറഞ്ഞു.
