ബളാന്തോട് : ഗവൺമെൻറ് ഹയർ സെക്കൻഡറി സ്‌കൂളിൽ നിന്നും എസ്എസ്എൽസി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികൾക്കുള്ള അനുമോദനയോഗം ജില്ലാ പഞ്ചായത്തംഗം ഷിനോജ് ചാക്കോ ഉദ്ഘാടനംചെയ്തു. പിടിഎ പ്രസിഡണ്ട് കെ എൻ വേണു അധ്യക്ഷതവഹിച്ചു. പഞ്ചായത്ത് വൈസ് പ്രസിഡന്റ് പി എം കുര്യോക്കോസ്്, ആരോഗ്യ- വിദ്യാഭ്യാസ സ്റ്റാന്റ്‌റിംഗ് കമ്മറ്റി ചെയർപേഴ്‌സൺ സുപ്രിയ ശിവദാസ്, വാർഡ് മെമ്പർ കെ കെ വേണുഗോപാൽ, എസ് എം ഡി സി ചെയർമാൻ എം സി മാധവൻ, ജയശ്രീ ദിനേശൻ, രഞ്ജിത്ത് കുമാർ, ബാബു ബി സി,ബി. സുരേഷ്‌കുമാർ,എന്നിവർ പ്രസംഗിച്ചു. പ്രിൻസിപ്പാൾ എം ഗോവിന്ദൻ സ്വാഗതവും എച്ച്് എം ഇൻചാർജ് റിനിമോൾ പി നന്ദിയും പറഞ്ഞു.
