അട്ടേങ്ങാനം: കഴിഞ്ഞ ആറുമാസത്തിൽ അധികമായി കോടോം ബേളൂർ പഞ്ചായത്തിലെ മഹാത്മാഗാന്ധി എൻ ആർ ഇ ജി എസ് ഓഫീസിൽ എസ് ടി ഓവർസിയർ തസ്തികയിൽ ഒഴിവ് നികത്താതെ ജനറൽ വിഭാഗത്തിലുള്ളവരെ തിരുകി കയറ്റി ജോലി ചെയ്യിപ്പിക്കുകയാണെന്ന് സമരക്കാർ ആരോപിച്ചു. കോൺഗ്രസിന്റെ പഞ്ചായത്തംഗം പലതവണ ആവശ്യപ്പെട്ടിട്ടും പഞ്ചായത്ത് അധികൃതരുടെ ഭാഗത്തുനിന്ന് ഒരു തീരുമാനവും ഉണ്ടായിട്ടില്ലെന്നും ഇവർ ആരോപിക്കുന്നു.. കോൺഗ്രസ് പാർലമെന്റ് പാർട്ടി നേതാവ് രാജീവൻ ചീരോലിന്റെ നേതൃത്വത്തിലാണ് ഏകദിന ഉപവാസം നടത്തിയത്. ഡിസിസി സെക്രട്ടറി പി വി സുരേഷ് ഉദ്ഘാടനം ചെയ്തു. മണ്ഡലം പ്രസിഡന്റ് പി ബാലചന്ദ്രൻ അധ്യക്ഷത വഹിച്ചു. യൂത്ത് കോൺഗ്രസ് ജില്ലാ പ്രസിഡന്റ് ബി പി പ്രദീപ്കുമാർ മുസ്തഫ തായന്നൂർ രതീഷ് കാട്ടുമാടം രാഘവൻ വിനോയ് ആന്റണി കുഞ്ഞിരാമൻ ഇരിയ ആൻസി ജോസഫ് മധുസൂദനൻ ബാലൂർ ബി എം ജമാൽ അഡ്വ.ശ്രീജ, ജിനി വിനോയ് തുടങ്ങിയവർസംസാരിച്ചു.
