പാറപ്പള്ള: കോടോം-ബേളൂർ കുടുംബശ്രീ സി ഡി എസ് മഴപ്പൊലിമ നടത്തിയ ആനക്കല്ല് വയലിൽ ഒരുക്കിയ നെൽ കൃഷിയുടെ കൊയ്ത്ത് കോടോം-ബേളൂർ ഗ്രാമപഞ്ചായത്ത് പ്രസിഡന്റ പി.ശ്രീജ ഉദ്ഘാടനം ചെയ്തു. വൈ. പ്രസിഡൻറ് പി.ദാമോദരൻ അദ്ധ്യക്ഷത വഹിച്ചു. കോടോം-ബേളൂർ ഗ്രാമപഞ്ചായത്തിൽ 19-ാം വാർഡിൽ ആനക്കല്ലിൽ ഒരു ഹെക്ടർ വയലിലാണ് കൃഷിഭവൻ സഹായത്തോടെ വാർഡ് കൺവീനർ പി.ജയകുമാറിന്റെ നേതൃത്വത്തിൽ കൃഷി കൂട്ടം രൂപീകരിച്ച് നെൽകൃഷി ഒരുക്കിയത്.അമ്പലത്തറ ഹയർ സെക്കന്ററി സ്‌ക്കൂളിലെ എൻ.എസ്സ്.എസ്സ്.വളണ്ടിയർമാർ, കുടുംബശ്രീ പ്രവർത്തകർ, നാട്ടുകാർ എന്നിവരുടെ നേതൃത്വത്തിൽ നടത്തിയ കൊയ്ത്തുത്സവം ഏറെ ശ്രദ്ധേയമായി. സി ഡി എസ് വൈ.ചെയർപേഴ്‌സൺ പി.എൽ.ഉഷ, മുൻ മെമ്പർ പി.നാരായണൻ, പി.ജയകുമാർ, ഷൈജ, രജനി ടീച്ചർ, സിതാര ടീച്ചർ, സവിത സി.പി, എന്നിവർ സംസാരിച്ചു. സി.ഡി.എസ്സ് ചെയർപേഴ്ണൻ ബിന്ദു കൃഷ്ണൻ സ്വാഗതവും സി.ഡി.എസ്സ്.അംഗം സന്ധ്യ പി.സി. നന്ദിയുംപറഞ്ഞു.
