രാജപുരം : കെസിവൈഎൽ രാജപുരം യൂണിറ്റിന്റെ സാമൂഹിക പ്രവർത്തനങ്ങളുടെ ഭാഗമായി ലോക പരിസ്ഥിതി ദിനത്തിൽ
രാജപുരം ഹോളി ഫാമിലി എൽ പി സ്‌കൂളിൽ ഈ വർഷം അഡ്മിഷൻ എടുത്ത മുഴുവൻ വിദ്യാർത്ഥികൾക്കും വാട്ടർ ബോട്ടിൽ സമ്മാനിച്ചു. സ്‌കൂൾ അസംബ്ലി മധ്യേ കെസിവൈഎൽ പ്രസിഡണ്ട് റോബിൻ ഏറ്റിയേപ്പള്ളി വാട്ടർ ബോട്ടിൽ ഹെഡ്മാസ്റ്റർ ഷൈബു കുരിശുംമൂട്ടിലിന് കൈമാറി. ഈ വർഷത്തെ ലോക പരിസ്ഥിതി ദിന പ്രമേയം ‘പ്ലാസ്റ്റിക് മാലിന്യങ്ങൾ തടയുക’ എന്നതിന്റെ ഭാഗമായി കുട്ടികൾക്ക് സ്റ്റീൽ വാട്ടർ ബോട്ടിൽ വിതരണം ചെയ്തു. സ്‌കൂൾ മാനേജറും കെസിവൈഎൽ രാജപുരം യൂണിറ്റ് ചാപ്ലിയനുമായ ഫാ. ബേബി കട്ടിയാങ്കൽ സന്നിഹിതനായിരുന്നു. മരീസ പുല്ലാഴി, അബിയ മരുതൂർ, ജ്യോതിസ് നാരമംഗലം, ജെസ്ബിൻ ആലപ്പാട്ട് എന്നിവർ നേതൃത്വം നൽകി.
