ബളാംതോട്: പരപ്പ ബ്ലോക്ക് പഞ്ചായത്ത് സാമൂഹ്യ വനവൽക്കരണ വിഭാഗത്തിന്റെ നേതൃത്വത്തിൽ ലോക പരിസ്ഥിതി ദിനത്തിൽ പുനർജ്ജനനി പദ്ധതിപ്രകാരം കാവുകളുടെ സംരക്ഷണം ബ്ലോക്ക് തല ഉദ്ഘാടനം മാച്ചിപ്പളളിയിൽ നടന്നു. ബ്ലോക്ക് പഞ്ചായത്ത് പ്രസിഡന്റ് എം.ലക്ഷ്മി ഉദ്ഘാടനം ചെയ്തു.പനത്തടി പഞ്ചായത്ത് പ്രസിഡന്റ് പ്രസന്ന പ്രസാദ് അധ്യക്ഷത വഹിച്ചു. പരപ്പ ബ്ലോക്ക് പഞ്ചായത്ത് വൈസ് പ്രസിഡന്റ് കെ. ഭൂപേഷ്, ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ പത്മകുമാരി, വികസനകാര്യ സ്റ്റാന്റിംഗ് കമ്മറ്റി ചെയർ പേഴ്സൺ രജനി കൃഷ്ണൻ,പരപ്പ ബ്ലോക്ക് പഞ്ചായത്തംഗം അരുൺ രംഗത്തുമല, ജോയിന്റ് ബി.ഡി.ഒ ഇൻചാർജ്ജ് വിജയകുമാർ.എം, സെക്ഷൻ ഫോറസ്റ്റ് ഓഫീസർ വിജയനാഥ്. ആർ, മാച്ചിപ്പളളി, ബളാംതോട് പൊറോന്തിക്കാവ് രക്ഷാധികാരി കെ.പത്മനാഭൻ എന്നിവർ പ്രസംഗിച്ചു. ബ്ലോക്ക് കൃഷി അസിസ്റ്റന്റ് ഡയറക്ടർ സുമ ഡി. എൽ സ്വാഗതവും എ.ഇ എൻ ആർ ഇ ജി രഞ്ജിത്ത് .ആർ നന്ദിയും പറയും.
