രാജപുരം: ഗ്രാന്‍ഡ് പാരന്‍സ് ഡേ സെലിബ്രേഷനും വിശുദ്ധ അല്‍ഫോന്‍സാമ്മയുടെ തിരുനാളും രാജപുരം ഹോളി ഫാമിലി സണ്‍ഡേ സ്‌കൂളിന്റെയും ചെറുപുഷ്പ മിഷന്‍ ലീഗിന്റെയും സംയുക്ത ആഭിമുഖ്യത്തില്‍ നടത്തി. തണല്‍ 2k24 എന്ന് പേരിട്ട നടത്തിയപരിപാടി ചെറുപുഷ്പ മിഷന്‍ ലീഗിന്റെ ദേശീയ പ്രസിഡന്റ് സുജി പുല്ലുകാട്ട് ഉദ്ഘാടനം ചെയ്തു. ഗ്രാന്‍ഡ് പാരന്‍സിനെ ആദരിക്കല്‍, അല്‍ഫോന്‍സാ ക്വിസ്, ഗ്രീറ്റിംഗ് കാര്‍ഡ് മേക്കിങ് കോമ്പറ്റീഷന്‍, സെല്‍ഫി വിത്ത് ഗ്രാന്‍ഡ് പേരന്‍സ്. മിനി എക്‌സിബിഷന്‍, വൈസ് ഡയറക്ടറിനെ ആദരിക്കല്‍ എന്നിവയും പരിപാടിയുടെ ഭാഗമായി നടന്നു. റവ. ഫാ. ജോസഫ് അരീച്ചിറ, തോമസ് പാറയില്‍, സാനിയ ജയ്‌മോന്‍, സി. തെരേസ എസ് വി എം, ജിജി കിഴക്കേ പുറത്ത് എന്നിവര്‍ പ്രസംഗിച്ചു.
