പാണത്തൂര്‍ : സ്‌കൂള്‍ വിട്ട് ബസ് കാത്തിരിക്കുന്ന കുട്ടികള്‍ക്ക് ആശ്വാസമായി താല്‍ക്കാലിക ബസ് കാത്തിരിപ്പ് കേന്ദ്രം നിര്‍മ്മിച്ച് സ്‌കൂള്‍ പി.ടി.എ. സ്‌കൂള്‍ വിട്ട് ബസ്സിലും മറ്റ് വാഹനങ്ങളിലും പോകേണ്ട കുട്ടികള്‍ക്ക് മഴയത്ത് കയറി നില്‍ക്കാന്‍ ഇടമില്ലാതെ വന്നപ്പോഴാണ് പി.ടി.എ തന്നെ താല്പര്യമെടുത്ത് താല്‍ക്കാലിക ബസ് കാത്തിരിപ്പു കേന്ദ്രം നിര്‍മ്മിച്ചത്. പ്രധാനധ്യാപകന്‍ എ.എം കൃഷ്ണന്‍, പി.ടി.എ പ്രസിഡന്റ് പി തമ്പാന്‍, സീനിയര്‍ അസിസ്റ്റന്റ് രാജേഷ് വി, ഓഫീസ് അറ്റന്റ്റന്റ് എച്ച്.സി കരീം, പി.ടി.എ കമ്മറ്റിയംഗങ്ങളായ എം.ബി അബ്ബാസ്, എം.കെ സുരേഷ് എന്നിവര്‍ നേതൃത്വം നല്‍കി.
