രാജപുരം : കള്ളാര്‍ പഞ്ചായത്തിനെ മാലിന്യരഹിതമാക്കാന്‍ ഓഫീസുകള്‍ , വ്യാപാര സ്ഥാപനങ്ങള്‍, വീടുകള്‍ എന്നിവിടങ്ങളില്‍ ക്യാമ്പെയ്‌നുകള്‍ സംഘടിപ്പിക്കും. വിദ്യാലയങ്ങള്‍ കേന്ദ്രീകരിച്ച് വിദ്യാര്‍ത്ഥികളില്‍ അവബോധമുണ്ടാക്കി വീടുകളില്‍ മാറ്റത്തിനു തുടക്കമിടും. കുടുംബശ്രീ പ്രത്യേക പരിപാടികള്‍ ഏറ്റെടുക്കും ഇതിനായുള്ള ശില്പശാല പഞ്ചായത്തു പ്രസിഡന്റ് ടി.കെ. നാരായണന്‍ ഉദ്ഘാടനം ചെയ്തു. വൈ.പ്രസി. പ്രിയ ഷാജി അധ്യക്ഷതവഹിച്ചു. ബ്ലോക്ക് ജി.ഇ.ഒ ശ്രീനിവാസന്‍, ഗംഗാധരന്‍, ഹരിതകേരളം ആര്‍.പി രാഘവന്‍ കെ.കെ. എന്നിവര്‍ ക്ലാസ്സെടുത്തു. അസി സെക്കട്ടറി രവീന്ദ്രന്‍ റിപ്പോര്‍ട്ടവതരിപ്പിച്ചു.പി.ഗീത പ്രസംഗിച്ചു.
