രാജപുരം: കാഞ്ഞങ്ങാട്-പാണത്തൂർ സംസ്ഥാനപാത നവീകരണം എത്രയും വേഗം പൂർത്തീകരിക്കണമെന്ന് കേരള ജേർണലിസ്റ്റ് യൂണിയൻ രാജപുരം മേഖല കമ്മിറ്റി യോഗം ആവശ്യപ്പെട്ടു.യൂണിയന്റെ സ്ഥാപക ദിനാചരണത്തോടനുബന്ധിച്ച് നടത്തിയ യോഗത്തിലാണ് റോഡ് പണി വേഗത്തിൽ പൂർത്തിയാക്കി ജനങ്ങളുടെ ദുരിതം അകറ്റണമെന്ന് ആവശ്യം ഉയർന്നത്. മേഖലാ പ്രസിഡന്റ് രവീന്ദ്രൻ കൊട്ടോടി അധ്യക്ഷത വഹിച്ചു. ജില്ലാ സെക്രട്ടറി പ്രമോദ് കുമാർ പതാകയുയർത്തി., സുരേഷ് കുക്കൾ, സണ്ണി ചുളളിക്കര, നൗഷാദ് കെ പി എന്നിവർസംസാരിച്ചു.
